Ռաիսին խոստացել է` Իրանը համարժեք պատասխան կտա Դամասկոսի հյուպատոսության վրա Իսրայելի հարձակումներին
Համաշխարհային Մամուլ
Թեհրանն անպատասխան չի թողնի Դամասկոսում Իրանի հյուպատոսության վրա Իսրայելի ավիահարվածները, երեքշաբթի հայտարարել է Իրանի նախագահ Իբրահիմ Ռաիսին։
«Սիոնիստները պետք է իմանան, որ երբեք չեն հասնի իրենց նենգ նպատակներին անմարդկային գործողությունների միջոցով: Հանցագործությունն անպատասխան չի մնա», - ասվում է Ռաիսիի գրասենյակի կայքում հրապարակված հայտարարության մեջ:
Իրանի նախագահը նաև ցավակցություն է հայտնել Իրանի ժողովրդին հարձակման հետևանքով Իսլամական հեղափոխության պահապանների կորպուսի (ԻՀՊԿ) երկու գեներալների և նրանց հինգ օգնականների զոհվելու կապակցությամբ։
Նախօրեին Սիրիայի իշխանությունները հայտնել էին, որ Իսրայելը հարվածել է Դամասկոսի հարավ-արևմուտքում գտնվող Իրանի հյուպատոսության շենքին, որտեղ գտնվում էին իրանցիներ։
Իսրայելական կողմը դեռ չի մեկնաբանել միջադեպը։ Արեւմտյան լրատվամիջոցները նշում են, որ Իսրայելը, որպես կանոն, չի մեկնաբանում, երբ իրեն մեղադրում են Սիրիային հարվածելու մեջ։
Միաժամանակ, ըստ լրատվամիջոցների, իսրայելական կողմը նման հարվածներ է հասցնում արդեն մի քանի տարի։ Թիրախները սովորաբար Իսլամական հեղափոխության պահապանների կորպուսի մարտիկներն են, ինչպես նաև Դամասկոսին օգնող «Հեզբոլլահի» մարտիկները:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
