Մոսկվայում եղանակային վատ պայմանների պատճառով` 2 մարդ է մահացել, 15-ը՝ վիրավորվել
ՌուսաստանՄոսկվայում վատ եղանակային պայմանները հանգեցրել են երկու մարդու մահվան, հայտարարել է մայրաքաղաքի քաղաքապետ Սերգեյ Սոբյանինը։
«Այսօր Մոսկվային հարվածել է վատ եղանակ՝ ուժեղ քամի՝ ջերմաստիճանի փոփոխություններով։ Քամու պոռթկումները հասել են ավելի քան 21 մ/վրկ-ի։ Մենք ժամանակին ձեռնարկել ենք նախազգուշական բոլոր միջոցները։ Բայց, ցավոք, ունենք 2 զոհ, 15 վիրավոր»,- գրել է նա Telegram-ի ալիքում։
Սոբյանինը հավելել է, որ փորձագետներն այժմ ձեռնարկում են բոլոր միջոցները հետևանքները վերացնելու համար։ Նա նաև ցավակցություն է հայտնել զոհվածների ընտանիքներին և վստահեցրել, որ տուժածներին ցուցաբերվում է անհրաժեշտ օգնություն։