«Սկզբունքայնություն»՝ ՔՊ ոճով. Արմեն Խաչատրյան, Բաբկեն Թունյան

ԼՈւՐԵՐ.com-ը շարունակում է ներկայացնել այն պաշտոնյաների շարքը, ովքեր մոռացել են նախկինում իրենց արած հայտարարությունները և, սկզբունքայնության մաստեր կլաս ցուցադրելով, այսօր պնդում են տրամագծորեն հակառակը: Կանդրադառնանք պատգամավորներ Արմեն Խաչատրյանին և Բաբկեն Թունյանին:

Ժամանակին Արմեն Խաչատրյանը հայտարարում էր, որ Հայաստանը Ռուսաստանի Դաշնության հետ կապված է արյունատար անոթներով, և ՀՀ–ն ձգտելու է հարաբերությունների մակարդակն ավելի բարձրացնել։ Բացի այդ, նա գտնում էր, որ ՀԱՊԿ-ին այլընտրանք Հայաստանը չունի։

Այժմ նա վերանայել է իր դիրքորոշումը հայ-ռուսական հարաբերությունների մասով և հայտարարում է, որ երբ պետք լինի, ռուսական 102-րդ ռազմաբազան հանելու են Հայաստանից, իսկ ՌԴ-ն էլ ի վիճակի չէ կատարել իր պարտավորվածությունները։

Այժմ անդրադառնանք Բաբկեն Թունյանին: Հեղափոխությունից անմիջապես հետո նա տնտեսական հեղափոխություն էր ակնկալում և նաև գտնում էր, որ այն իրագործելու պատասխանատվությունն իրենց թիմի վրա է։

Այնուհետև հենց ինքն էլ ընդունում է, որ այդ բումը չեղավ։

Ժամանակին նա այլ կերպ էր մտածում նաև իր թիմի՝ Արցախից ձեռքերը լվանալու հարցի շուրջ՝ պնդելով, որ նման միտք անգամ չի կարելի թույլ տալ։

Դե իսկ երբ այդ ձեռքերը լվանալն այլևս իրականություն է, Թունյանը, իհարկե, լռում է:

Շարունակելի...