Ադրբեջանը, Ղազախստանը, Ղրղզստանը, Տաջիկստանը և Ուզբեկստանը համատեղ զորավարժություններ կանցկացնեն

Ադրբեջանի, Ղազախստանի, Ղրղզստանի, Տաջիկստանի և Ուզբեկստանի պաշտպանության նախարարությունների միջև ստորագրված ծրագրի համաձայն՝ Ղազախստանի Ակտաու քաղաքում կայացել է «Բիրլեստիկ-2024» օպերատիվ-մարտավարական հրամանատարաշտաբային զորավարժությունների պլանավորման խորհրդաժողովը։ Այս մասին հայտնում է Ադրբեջանի պաշտպանության նախարարությունը, գրում են տեղական լրատվամիջոցները։

Համաժողովին քննարկվել են զորավարժությունների նախապատրաստմանն ու առաջիկա անելիքներին վերաբերող մի շարք հարցեր։ Զորավարժությունները նախատեսվում են հուլիսին: