Գերմանիան բանակը պատրաստում է Ռուսաստանի հետ պատերազմին․ Politico

Գերմանիայի պաշտպանության նախարար Բորիս Պիստորիուսը հայտարարել է երկրի բանակը վերակազմավորելու պլանների մասին՝ այն պատերազմի համար պիտանի դարձնելու նպատակով, գրում է Politico-ն։

«Նպատակն է վերակառուցել Բունդեսվերը այնպես, որ այն օպտիմալ լինի նույնիսկ արտակարգ իրավիճակների, պաշտպանության, պատերազմի դեպքում», - ասել է նա:

Նշվում է, որ Գերմանիայի նոր զինված ուժերը կբաժանվեն չորս տեսակի՝ ավանդական բանակ, ռազմածովային նավատորմ և ավիացիա, ինչպես նաև նոր ստորաբաժանում՝ կիբեր և տեղեկատվական ոլորտում։ Գործելու են նաև օպերատիվ և օժանդակ հրամանատարություն։

Նոր կիբերբաժինը պատասխանատու կլինի հիբրիդային սպառնալիքների դեմ պայքարի, ինչպես նաև մարտավարական առաջադրանքների, ինչպիսիք են էլեկտրոնային պատերազմի համար: Այժմ բանակում կներառվեն նաև ներքին անվտանգության ուժեր, մինչդեռ օդուժը կհետևի իր ինքնաթիռների վիճակին, մի գործառույթ, որը նախկինում կատարում էր պաշտպանության նախարարությունը:

Նպատակը՝ գերմանական բանակն ավելի մարտունակ դարձնելն է։  

«Քանի որ Ռուսաստանը կասկածի տակ է դրել եվրոպական խաղաղության կարգը, հատկապես վտանգավոր իրավիճակ է ստեղծվել Գերմանիայի և նրա դաշնակիցների համար», - ասվում է Գերմանիայի պաշտպանության նախարարության հայտարարության մեջ:

Պիստորիուսն ակնկալում է, որ փոփոխությունները կներդրվեն առաջիկա ամիսներին։

Նախարարը տեղեկացրել է նաև, որ քննարկվել է պարտադիր զինվորական ծառայությունը վերականգնելու հարցը։