Սրընթաց «կոշկափոխվել» են. ՔՊ-ականների շուստրիությունը

ԼՈւՐԵՐ.com-ը շարունակում է ներկայացնել այն պաշտոնյաների շարքը, ովքեր մոռացել են նախկինում իրենց արած հայտարարությունները և սկզբունքայնության մաստեր կլաս ցուցադրելով՝ այսօր պնդում են տրամագծորեն հակառակը: Կանդրադառնանք պատգամավորներ Նարեկ Ղահրամանյանին և Մարիա Կարապետյանին:

2021 թվականին, երբ  ադրբեջանցիները ապօրինաբար փակեցին Գորիս-Կապան ճանապարհը, Նարեկ Ղահրամանյանը հանդես եկավ հայտարարությամբ և նշեց, որ իրեն հավաստիացրել են՝ մինչև երեկք ճանապարհը կբացվի:

Այնուհետև, երբ ճանապարհը այդպես էլ չբացվեց, վերջինս հարկ չհամարեց բացատրել հանրությանը, թե ինչ նպատակով էր նրանց գլխի տակ փափուկ բարձ դնում:

2 տարի առաջ Ղահրամանյանը հայտարարում էր, որ Սյունիքից ոչ մի միլիմետր հող չի զիջվել և չի զիջվելու:

Իսկ այն բանից հետո, երբ ադրբեջանցիները հերթական ագրեսիաների արդյունքում առաջ են եկել և Սյունիքի մարզից նոր տարածքներ օկուպացրել՝ Ղահրամանյանը ոչ միայն չի ընդունում, որ տարածքներ են զիջվել, դեռ մի բան էլ վստահ է, որ սյունեցիների անվտանգությունը երաշխավորված է:

Գանք Մարիա Կարապետյանին: Վերջինս ժամանակին հայտարարում էր, որ իրենք հանձնառու են պաշտպանել Արցախի ժողովրդին։

Նա նաև պնդում էր, որ պետք է բանակցել, եթե չենք ցանկանում փակել Արցախի հարցը։

Այժմ էլ պարզվում է, որ ստատուս-քվոն գին ունի, որը Հայաստանը պատրաստ չէ վճարել։