«Մավրը կատարեց իր գործը». Փաշինյանի խոստումն ու «Պրահայի օպերացիան»

Իշխող «Քաղաքացիական պայմանագիր» խմբակցությունը 2021 թվականի արտահերթ խորհրդարանական ընտրությունների ժամանակ ներկայացրել էր կուսակցության նախընտրական ծրագիրը, որում Արցախի հարցը, ապագան մեծ տեղ էր զբաղեցնում։

Խոստում

«Արտաքին և անվտանգային քաղաքականության գլխավոր առաջնահերթություններից են լինելու Ղարաբաղյան հակամարտության խաղաղ և համապարփակ կարգավորումը՝ արցախահայության ինքնորոշման իրավունքի իրացման միջոցով Արցախի ժողովրդի անվտանգության ապահովումը, ինչպես նաև մշակութային ու կրոնական ժառանգության պահպանումը և հումանիտար խնդիրների լուծումը: Հայաստանի Հանրապետությունն օգտագործելու է իր ողջ ներուժը վերոնշյալ նպատակներին հասնելու համար` առաջնորդվելով մեր պետական շահերով և հայ ժողովրդի իրավունքների պաշտպանության հրամայականով»:

Իրականություն

2022 թվականին Շարլ Միշելի և Էմանուել Մակրոնի միջնորդությամբ Պրահայում տեղի ունեցած Փաշինյան-Ալիև հանդիպման արդյունքում Ղարաբաղը Փաշինյանը ճանաչել է Ադրբեջանի մաս: Ալմաթիի հռչակագրին հղում անելն ու տարածքային ամբողջականության վերաբերյալ հայկական վերապահումները չհիշելը նշանակում էր, որ Փաշինյանն ընդունում է Ղարաբաղը որպես Ադրբեջանի մաս: Դա էլ իր հերթին նշանակում էր, որ վերանում էր «Լաչինի միջանցք» հասկացությունը, քանզի Փաշինյանն այն նույնպես ճանաչեց Ադրբեջանի մաս: Այս ամենի հետևանքը եղավ այն, որ Ալիևը շրջափակեց Արցախն ու սկսեց պահանջներ դնել «իր» տարածքի վերաբերյալ: Արդյունքը եղավ 2023-ի սեպտեմբերին ադրբեջանական հերթական ագրեսիան, Արցախի լիակատար հայաթափումը և ՀՀ իշխանությունների կողմից՝ Արցախից ձեռքերը լվանալը: Ահա թե ինչ է ասում Փաշինյանն այժմ՝ խոսելով Արցախի հայկական պատկանելիության և Արցախի ապագայի մասին: