Իսրայելի ԱԳՆ-ն խոստացել է պատասխանել Իրանի հնարավոր հարձակմանը
Համաշխարհային Մամուլ
Եթե Իրանը սեփական ուժերով հարձակում իրականացնի Իսրայելի տարածքի վրա, Իսրայելը պատասխանը կտա հենց Իրանում։ Այս մասին Kan ռադիոյին տված հարցազրույցում հայտարարել է Իսրայելի արտգործնախարար Իսրայել Կացը։
«Եթե Իրանը հարձակվի Իսրայելի վրա իր տարածքից, Իսրայելը կպատասխանի Իրանում, քանի որ Իսրայելը չի կարող իրեն թույլ տալ հանդուրժել նման հարձակումները՝ իր քաղաքացիների հանդեպ պատասխանատվության պատճառով»,- ասել է նախարարը։
Մինչ այս Իսրայելի իշխանությունները հայտարարել էին, որ Իրանը պատրաստվում է հարվածներ հասցնել ապրիլի 12-ից հետո։ Նշվում է, որ Իրանը մտադիր չէ հարձակում իրականացնել մինչև Ռամադան ամսվա ավարտը։ Իսրայելը կարծում է, որ Իրանը կհարձակվի ռազմական ենթակառուցվածքների վրա տարբեր ուղղություններից։
Ապրիլի 9-ին Իսրայելի վարչապետ Բենիամին Նեթանյահուն Իսրայելի Պաշտպանության բանակում ծառայության համար նորակոչիկների հետ հանդիպման ժամանակ խոստացել է ամբողջությամբ վերացնել ՀԱՄԱՍ-ի գումարտակները, այդ թվում՝ Գազայի հատվածի հարավում՝ Ռաֆահում։
Նրա խոսքով՝ իսրայելական կողմն ավարտում է ՀԱՄԱՍ-ի գումարտակների լիկվիդացումը։
Նեթանյահուն պնդում է, որ «աշխարհում չկա ուժ, որը կարող է կանգնեցնել Իսրայելին»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
