Մանչեսթեր Յունայթեդի երկրպագուները պետք է մոռանան Զիդանի մասին․ Գալաս
Համաշխարհային Մամուլ
Ֆրանսիայի հավաքականի նախկին պաշտպան Վիլյամ Գալասը հայտարարել է, որ Զինեդին Զիդանը չի գլխավորելու «Մանչեսթեր Յունայթեդը» և նշել է պատճառը:
«Մանչեսթեր Յունայթեդի» երկրպագուները պետք է մոռանան Զինեդին Զիդանի մասին: Նա չի համաձայնի այդ աշխատանքին, և գլխավոր պատճառը՝ նա չի խոսում անգլերեն:
Նա չի ցանկանա հայտնվել այնպիսի իրավիճակում, երբ ստիպված կլինի լեզու սովորել, և կարծում եմ, որ դա տրամաբանական է: Նրան անհրաժեշտ է, որ ֆուտբոլիստները հասկանան, թե ինչ է ուզում նա, և որ նրանց հետ ունենա այնպիսի հարաբերություններ, որոնք թույլ կտան իրեն զվարճանալ և կատակներ անել: Նա չի համաձայնի այդ աշխատանքին, եթե նույնիսկ առաջարկ ստանա, և ես չեմ կարծում, որ մոտ ապագայում նրան կտեսնենք ԱՊԼ-ում:
Կարծում եմ, նա դեռ սպասում է Ֆրանսիայի հավաքականը գլխավորելուն: Նա «Ռեալի» հետ նվաճել է բոլոր հնարավոր տիտղոսները, և այժմ մտածում է միայն մեկ աշխատանքի մասին»,- Գալասի խոսքերն է մեջբերում Gambling Zone-ը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
