Կենսաչափական տվյալների անօրինական հավաքագրման համար Meta-ն 1,4 մլրդ դոլար կվճարի Տեխասի իշխանություններին
Ադրբեջան
Ամերիկյան Meta ընկերությունը համաձայնել է 1,4 միլիարդ դոլար վճարել ԱՄՆ-ի Տեխաս նահանգի իշխանություններին՝ առանց համապատասխան թույլտվության միլիոնավոր քաղաքացիների կենսաչափական տվյալներ հավաքելու հետ կապված խնդիրը հարթելու համար: Այդ մասին հայտնում է Financial Times-ը:
Տեխասի գլխավոր դատախազ Քեն Փեքսթոնը հայտարարել է, որ դա ԱՄՆ-ի պատմությունում ամենախոշոր վճարումն է, որը կողմերի հաշտեցման շրջանակում կատարվել է առանձին նահանգների ներկայացրած դատական հայցով:
2022 թվականի փետրվարին ներկայացրած հայցը Փեքսթոնը հիմնավորել էր այն մեղադրանքով, որ Meta-ին պատկանող Facebook սոցիալական ցանցի դեմքերի ճանաչման համակարգն առանց օգտատերերին իրազեկելու և համաձայնությունը ստանալու հարթակում տեղադրված լուսանկարներից և տեսանյութերից հավաքել է նրանց կենսաչափական տվյալները: Այդ համակարգն արդեն չի գործում:
Իր հերթին՝ Meta-ն հայտարարել է, որ գոհ է հաշտության համաձայնագրից և անհամբերությամբ սպասում է Տեխասում բիզնես ներդրումների խորացման, ներառյալ տվյալների մշակման կենտրոնների հնարավոր կառուցման վերաբերյալ տարբերակների քննարկմանը:
Ընկերության բաժնետոմսերի արժեքը երեքշաբթի օրվա սակարկություններում մնացել է գրեթե անփոփոխ:
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
