«Մեր երկիր» ռեստորանի հարևանությամբ հրդեհ է բռնկվել. կրակը տեսանելի են մի քանի հարյուր մետրից

Այսօր՝ հուլիսի 31-ին, խոշոր հրդեհ է տեղի ունեցել Արմավիրի մարզում: Ժամը 13:15-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ակնաշեն բնակավայրի «Մեր երկիր» ռեստորանային համալիրի հարևանությամբ գտնվող շինությունում հրդեհ է բռնկվել:

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանլ են Վաղարշապատի հրշեջ-փրկարարական ջոկատից 3 մարտական հաշվարկ:

Օպերատիվորեն ժամանել են նաև ՀՀ ՆԳՆ ոստիկանության Պարեկային ծառայության Արմավիրի մարզի գումարտակի 1-ին վաշտի 1-ին դասակի պարեկները՝ գումարտակի հրամանատար Ղարիբ Գրիգորյանի, գումարտակի հրամանատարի տեղակալ Հայկ Հակոբյանի, վաշտի հրամանատար Արսեն Բաղդասարյանի գլխավորությամբ:  

Տարածքը սահմանազատել են նույն վաշտի պարեկներ Վարդանուշ Միրզախանյանն ու Սեդրակ Մելիքյանը:
Ըստ նախնական տեղեկությունների՝ բարեբախտաբար տուժածներ չկան:
Առավել մանրամասն՝ սկզբնաղբյուր կայում։