Աղստևում հայտնաբերվել է երկու եղբայրներից մեկի դին, մյուսին որոնում են․ ՆԳՆ-ն մանրամասներ է հայտնում

Օգոստոսի 5-ին ժ․15:15-ին ահազանգ է ստացվել, որ Տավուշի մարզի Ազատամուտ գետի մեջ՝ երկու եղբայրներ խեղդվում են։ Այս մասին 24News-ին փոխանցել է ՆԳՆ խոսնակ Նարեկ Սարգսյանը:

«Նշված վայր են մեկնել ՆԳՆ փրկարար ծառայության և ոստիկանության աշխատակիցներ։

Որոնողափրկարարական աշխատանքներին մասնակցում են 31 փրկարար, 5 ջրափրկարար և գյուղի բնակիչներ»,- մանրամասնեց գերատեսչության խոսնակը:

Ժամը 17։33-ին ջրափրկարարները ջրից դուրս են բերել տղամարդու դի։

Որոնողափրկարարական աշխատանքները շարունակվում են։