Իրանում «հարամ» համացանցը փոխարինվում է «Հալալ»-ով

Իրանը պատրաստվում է հրաժարվել համաշխարհային համացանցից և գործարկել սեփական ներքին ցանցը՝ ազգային ինտերնետը։ Ցանցի պատրաստման վրա աշխատում են իրանցի մասնագետներ։ Նրանց հավաստիացմամբ՝ Իրանի ազգային համացանցը պատրաստ կլինի գործարկման երկու շաբաթից։ Ցանցի արագությունը լինելու է 2 ՄԲ/վ։

Իրանում որոշել են ստեղծել այդ ցանցը արևմտյան կազմաքանդող ազդեցություններից խուսափելու համար։ Նրանք համարում են, որ ամենաշատը այդ ճանապարհով են Իրանում տարածվում Արևմուտքի մշակույթն ու գաղափարները։

Իրանական փակ համացանցը կոչվելու է «Հալալ»՝ որպես նշան ճշմարիտ մուսուլմանական արժեքներին համապատասխան լինելու։

Նման փակ ազգային ցանցեր են գործում նաև Կուբայում, իսկ Հյուսիսային Կորեան այդպիսի ցանց ստեղծելու մտադրություն ունի։