Բարձր անհատական որակներ ունեցող ֆուտբոլիստներով համալրված թիմ է․ Մինասյանը՝ հունգարական թիմի մասին

Վաղը՝ օգոստոսի 8-ին, Կոնֆերենցիաների լիգայի որակավորման 3-րդ փուլում «Արարատ-Արմենիան» կհանդիպի հունգարական «Պուշկաշ Ակադեմիայի» հետ։

Առաջին խաղը մեր թիմը կանցկացնի սեփական հարկի տակ օգոստոսի 8-ին, իսկ պատասխան խաղը` օգոստոսի 15-ին, Հունգարիայում: Վաղը կայանալիք հանդիպումը կմեկնարկի 19։00-ին։

Հանդիպման մասին իր կարծիքն է հայտնել «Արարատ-Արմենիայի» գլխավոր մարզիչ Վարդան Մինասյանը․

«Ամենակարևորը՝ վնասվածքներ չունենք։ Համեմատականներ անցկացնելով՝ բնականաբար վաղվա մրցակիցը կարգով ավելի բարձր է, քան «Զիմբրուն»։ Շատ խաղակցված թիմ է, բարձր անհատական որակներ ունեցող ֆուտբոլիստներով համալրված, տիպիկ եվրոպական թիմ է, ուժային ֆուտբոլ է խաղում»,- նախախաղային մամուլի ասուլիսի ժամանակ ասել է Մինասյանը։