Սյունիքում ՀՀ սահմանը ցույց տվող նոր տեղադրված ցուցանակն ապամոնտաժել են

Oragir.news-ը գրել է.

Սյունիքի մարզում նախորդ շաբաթ տեղադրված ցուցանակը, որի վրա նշված էր դեպի ՀՀ սահման ուղղությունը, 2 օր առաջ ապամոնտաժել են։

«Վերիշեն տանող ճանապարհին էին տեղադրել, երեկ այդ ճանապարհով անցա, տեսա, որ ապամոնտաժել են, բայց ձողերը մնացել են։ Չգիտենք, նորից կտեղադրեն, թե՞ ոչ։ Բայց այդ ցուցանակը բնակիչների դժգոհությանն էր արժանացել, քանի որ վրան գրված էր ՀՀ սահման, բայց կիլոմետր չկար, որ վարորդը հասկանար, թե քանի կիլոմետրից էր հասնելու սահման։ Բացի այդ նշված չէր, որ այդ ուղղությամբ Բերձորն է, Արցախը»,- Oragir.News-ի հետ զրույցում ասաց Սյունիքի մարզի բնակիչներից մեկը։

Ավելի վաղ հայտնել էինք, որ Սյունիքի մարզում նոր կառուցվող ճանապարհին ցուցանակ է տեղադրվել, որի վրա Արցախը չկա, դեպի սահման հեռավորությունը ևս նշված չէ: