Նովոսիբիրսկում մեկնարկել են ՀԱՊԿ զnրավարժnւթյnւնները. Հայաստանը չի մասնակցում

Նովոսիբիրսկի մարզում կայացել է Հավաքական անվտանգության պայմանագրի կազմակերպության (ՀԱՊԿ) «Կոբալտ-2024» հատուկ զորավարվարժությունների բացման արարողությունը։ Այս մասին հայտնում է ՏԱՍՍ-ը։

Զորավարժությունների ընթացքում կյուրացվեն ուժերի խմբավորումների և միջոցների գործողությունների նոր ձևեր ու եղանակներ, կփորձարկվեն զենքի, ռազմական տեխնիկայի նոր նմուշներ, ինչպես նաև անօդաչու թռչող սարքերի, հետախուզական միջոցների կիրառման մարտավարական հնարքներ: 

«Ներկայումս իրավիճակն աշխարհում անկայուն է։ Ահաբեկչական ակտիվության աճի, սահմանադրական կարգը խախտելու փորձերի, զինված բախումների և պատերազմների հրահրման պայմաններում ստեղծված իրավիճակը պահանջում է զորավարժությունների ժամանակ մշտապես ակտիվ և մարտունակ լինել», - բացման խոսքում ասել է «Ռոսգվարդիայի» Սիբիրյան շրջանի հրամանատար գեներալ-գնդապետ Նիկոլայ Մարկովը։ 

Միջոցառմանը մասնակցում են Ռուսաստանի Դաշնության, Բելառուսի, Ղազախստանի, Տաջիկստանի և Ղրղզստանի շահագրգիռ նախարարությունների և գերատեսչությունների ներկայացուցիչներ:

Ինչպես հայտնի է, Հայաստանը զորավարժություններին չի մասնակցում։