Վստահություն չի լինի Ռուսաստանի ղեկավարության և Փաշինյանի դաշնակից նոր դեսպանի միջև. Զատուլին

Արսենյանը հոգով և տրամադրվածությամբ շատ ավելի մոտ է Փաշինյանին, քան հեռացող դեսպանը։ Այս մասին NEWS.ru-ի հետ հարցազրույցում ասել է Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։

 Նրա կարծիքով՝ Հարությունյանին վարչապետի թիմ են բերել բացառապես Ռուսաստանի բարեկամի համբավով, որպեսզի Երևանի արտաքին քաղաքական գծի աստիճանական փոփոխությունը «քողարկեն» Մոսկվայում իր ներկայության փաստով։

«Դեսպանի անկախությունը շատ հարաբերական է։ Բայց երբ պարզ դարձավ, որ նա պետք է հրաժարական տա, նա որոշեց բոլորին ցույց տալ իր իսկական դեմքը՝ Ռուսաստանի բարեկամի դեմքը։ Սա ակնհայտորեն դեմ էր, ինչպես ինձ թվում է, հայկական դիվանագիտության ընդհանուր տրամադրություններին, որն այսօր բոլորովին այլ վայրերում է ընկերներ փնտրում, քան Ռուսաստանում»,- դժգոհել է Զատուլինը։

«Այժմ ես որևէ պատճառ չեմ տեսնում Ռուսաստանի ղեկավարության և Փաշինյանի դաշնակից նոր դեսպանի միջև որևէ վստահության ի հայտ գալու համար։ Ձևական քաղաքավարություն, իհարկե, կպահպանվի, բայց ոչ ավելին»,- ասել է Զատուլինը։

Ինչպես հայտնել ենք, ՀՀ նախագահի հրամանագրով՝ երեկ՝ օգոստոսի 15-ին, Գուրգեն Արսենյանը նշանակվել է ՌԴ-ում ՀՀ դեսպան։  իր աշխատանքը Մոսկվայում կսկսի սեպտեմբերի սկզբին։