Մեկնարկել է Նեթանյահու-Բլինկեն հանդիպումը
Հայաստան
Իսրայելի վարչապետ Բենիամին Նեթանյահուն Երուսաղեմում բանակցություններ է վարում ԱՄՆ պետքարտուղար Էնթոնի Բլինկենի հետ։ Այս մասին ՏԱՍՍ-ին հայտնել է Դմիտրի Գենդելմանը, ով Իսրայելի կաբինետի ղեկավարի գրասենյակի խորհրդականն է։
«Այո, հանդիպումը սկսվել է»,- ասել է նա։
Երկուշաբթի օրը Բլինկենը հանդիպել է Իսրայելի նախագահ Իսահակ Հերցոգի հետ և Գազայի հատվածի շուրջ բանակցությունների ընթացիկ փուլն անվանել է «վերջին հնարավորություն»՝ ապահովելու պատանդների վերադարձը և անկլավում հրադադարի հաստատումը:
Օգոստոսի 15-ին Դոհայում սկսվել է խորհրդակցությունների նոր փուլը՝ ուղղված Գազայի հատվածում հրադադարի հաստատմանը և ՀԱՄԱՍ-ի պատանդներին ազատ արձակելուն։
Խորհրդակցություններից հետո Եգիպտոսի, Քաթարի և Միացյալ Նահանգների համատեղ հայտարարության մեջ նշվում է, որ բանակցություններն անցել են «դրական մթնոլորտում»։ Կողմերը պայմանավորվել են հաջորդ հանդիպումը Կահիրեում անցկացնել մինչև այս շաբաթվա վերջ։ Ինչպես նշվում է, տեխնիկական խմբերը առաջիկա օրերին կշարունակեն մշակել մեխանիզմներ՝ համաձայնագրի հիմնական կետերի իրականացման համար, այդ թվում՝ Գազայի հատվածում պատանդների՝ իսրայելական բանտերում պահվող պաղեստինցիների հետ փոխանակման, ինչպես նաև անկլավում հումանիտար իրավիճակի մասին։
Ամենադիտված 
Ինչու Վազգեն Սարգսյանին ու Կարեն Դեմիրճյանին սպանելուց հետո Մեղրին Լաչինով փոխելու ռուսական ծրագիրը չիրականացրին Քոչարյանն ու Սերժ Սարգսյանը․ Տիգրան Խաչատրյան 
