Դուրովի երեխաների մայրը հայց է ներկայացրել նրա դեմ
Իրան
Telegram-ի հիմնադիր Պավել Դուրովի երեխաների մայրը հայց է ներկայացրել նրա դեմ։
Իրինա Բոլգարը հայտարարել է, որ Դուրովը մի քանի անգամ բռնություն է գործադրել իր որդիներից մեկի նկատմամբ, ինչից հետո տղայի մոտ ուղեղի ցնցում է հայտնաբերվել: Առաջին անգամ Դուրովի հետ համատեղ երեխաների մասին կինը հայտարարել էր հունիսի վերջին։
Կինը այն բանից հետո, երբ Դուրովը, նրա վարկածով, դադարել է ալիմենտ վճարել, Ժնևի դատարաններից մեկին երկու հայց է ներկայացրել՝ երեխաների խնամակալության (քաղաքացիական) և ֆիզիկական բռնության (քրեական) մասին։ Forbes-ի տվյալներով՝ Դուրովը նրան ամսական 150 հազար եվրո է վճարել։ Առաջին հայցում, որը ներկայացվել է 2023 թվականի մարտին, նշվում է, որ գործարարը 5 անգամ բռնություն է գործադրել որդու նկատմամբ 2021-2022 թվականներին։
Դուրովի ներկայացուցիչը հրաժարվել է մեկնաբանել: Իրինա Բոլգարի փաստաբանը հաստատել է, որ նա և երեք երեխաները մասնակցում են քաղաքացիական հայցին, սակայն հրաժարվել է մեկնաբանել քրեական բողոքը:
Forbes-ը հայտնում է, որ խմբագրությունն ունի փաստաթղթերի լուսապատճեններ և դրանց թարգմանությունները, որոնցում նշված է Դուրովի լրիվ անունն ու ծննդյան ամսաթիվը, ներառյալ նրա ծննդավայրը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
