Apple ընկերությունը սպառնում է դատի տալ Սթիվ Ջոբսի անունով և արտաքինով տիկնիկներ պատրաստող ընկերությանը

Apple ընկերությունը սպառնում է դատի տալ չինական In Icons տիկինիկներ արտադրող ընկերությանը, որը սկսել էր Apple ընկերության հիմնադիր Սթիվ Ջոբսի կերպարով տիկինիկներ արտադրել: Այս մասին հայտնում է The Telegraph-ը:

Չինական արտադրողին զգուշացվել է, որ ընկերության ապրանքանիշով, ինչպես նաև Սթիվ Ջոբսի անունով կամ արտաքինով տիկնիկներ արտադրելը քրեական հանցագործություն է:

30 սմ բարձրությամբ Ջոբսի տիկնիկը վաճառքի էր հանվելու այս տարվա փետրվարին, սակայն այն արդեն կարող են պատվիրել eBay համացանցային աճուրդում, որտեղ տիկնիկը կարող են ձեռք բերել 135 դոլարով, քանի որ տիկնիկի մանրածախ գինը կազմելու է 99 դոլար:

Տիկնիկը հագին Ջոբսի համար ավանդական կապույտ ջինս, սև բլուզ և սպորտային կոշիկներ են: