Հունաստանին դեֆոլտ է սպառնում

РБК-ն գրում է, որ Հունաստանի վարչապետ Լուկաս Պապադիմոսը հայտարարել է, որ 2012թ մարտին երկրին դեֆոլտ է սպառնում:

Նրա խոսքով՝ հունական արհմիությունների առաջնորդները չեն համաձայնի աշխատավարձերի հերթական կրճատմանը, իսկ միջազգային վարկատուները կհրաժարվեն միջոցներ տրամադրելուց: Այս ամենի հետեւանքով հունական տնտեսության փրկության ծրագիրը կդադարի աշխատել, եւ երկիրը չի կարողանա վճարել պարտքերը: 

Հիշեցենք, որ երկրի ՀՆԱ-ն գերազանցող պարտքը եւ վարկերի տոկոսները վճարելու պարտավորությունը Հունաստանին շատ ծանր կացության մեջ են դրել: 2011թ նոյեմբերին միայն հատկացված միջազգային տրանշի շնորհիվ է Հունաստանին հաջողվել խուսափել տնտեսական փլուզումից: Վարկերի դիմաց ԵՄ-ն եւ ԱՄՀ-ն պահանջում են Աթենքից հստակ իրականացնել տնտեսական կոշտ միջոցառումները եւ սեփականաշնորհել պետական ունեցվածքը: