Ինչու Կարեն Անդրեսայանը հեռացրեց դատավոր Արթուր Ստեփանյանին

 «Հրապարակ»-ը գրում է

Բարձրագույն դատական խորհուրդը՝ ի դեմս նախագահ Կարեն Անդրեասյանի, դադարեցրեց դատավոր Արթուր Ստեփանյանի լիազորությունները։ Դատավորի լիազորությունների դադարեցումը  ԲԴԽ-ն պատճառաբանել է նրանով, թե դատավորը բազմաթիվ դատական գործերով մի քանի տասնյակ վճիռները Դատական իշխանության պաշտոնական կայքում հրապարակել և վճռի օրինակը դատավարության կողմերին տրամադրել է օրենքով սահմանված ժամկետների կոպիտ խախտմամբ։

Դատական համակարգից Ստեփանյանի վերաբերյալ նման որոշումը մեկնաբանում են որպես նրանից ազատվելու քայլ։ Մեր աղբյուրը հայտնում  է, որ նա հարուստ գիտելիքներով, անկախ որոշումներ կայացնող դատավորի համբավ ունի․ «Շատ լավ դատավոր էր, քիչ սենց նորմալ դատավորներ ունենք։ Լավ տղա է, իրենց ասածները չէր անում, դրա համար էլ հեռացրին․․․լիազորությունները դադարեցնելու համար իրենց բերած պատճառը սուբյեկտիվ է․ դատավորների 80%-ը խիստ ծանրաբեռնված է, օգնական չունեն, դատավորի աշխատակազմում 5000-ից ավել գործ կա, պարզ է, որ ժամկետների ուշացում կլինի,չկա մի դատավոր, ժամկետի ուշացում չունենա»։

Հարցին, թե ինչո՞ւ դատավորները օգնականներ չունեն, մեր զրուցակիցն ասաց․ «Գումարը շատ քիչ է, դատավորները մշտապես բարձրացնում  են իրենց օգնականներով ապահովելու հարցը, առաջարկում են աշխատավարձերը բարձրացնել, որովհետեւ 100 հազարով առավոտից մինչեւ գիշեր ոչ ոք չի աշխատի, բայց այդ հարցը չեն լուծում, դրա հետեւանքն էլ այն է, որ ժամկետների ուշացումներ են լինում․ աշխատակազմ չունեն, բա ո՞նց չի լինի ժամկետի ուշացում»։

Այս թեմայով «Կեղծ, բացառապես քաղաքական նպատակներով կալանավորված Գերասիմ Վարդանյանն արդեն 100 օր ճաղերի հետևում է». Արթուր Խաչատրյան «Հրապարակ». Սիսիանը նոր համայնքապետ կունենա. վառելիքի թեմա կա․ Կարեն Համբարձումյանին պետք է ինչ-որ փայ հասներ` չի հասել Ինչու՞ է Գայա Արզումանյանը մերժել ամուսնության առաջարկությունը. (տեսանյութ) Կարեն Գիլոյանը դարձել է Համաշխարհային հակադոպինգային գործակալության հիմնադրամի խորհրդի անդամ Կարեն Գիլոյանը դարձել է Համաշխարհային հակադոպինգային գործակալության հիմնադրամի խորհրդի անդամ