Տավուշի մարզի Ներքին Կարմիրաղբյուր, Արագածոտնի մարզի Ոսկեթաս և Զովասար բնակավայրերում շչակներ են գործարկվելու

Տավուշի մարզի Բերդ համայնքի Ներքին Կարմիրաղբյուր բնակավայրում հուլիսի 8-ի ժամը 10:00-ից մինչև 15:00-ն ընկած ժամանակահատվածում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ:

 ՀՀ ներքին գործերի նախարարության փրկարար ծառայությունից հայտնում են, որ հուլիսի 8-ին՝ ժամը 11:00-ին, Արագածոտնի մարզի Ոսկեթաս, իսկ ժամը 12։00-ին Զովասար բնակավայրերում փորձարկվելու են էլեկտրական շչակներ:

ՀՀ ՆԳՆ փրկարար ծառայությունը նշված բնակավայրերի բնակիչներին խնդրում է չանհանգստանալ։