Գլոբալ պատերազմի ներուժը մեծացել է․ Տոկաև

Ղազախստանի նախագահ Կասիմ-Ժոմարտ Տոկաևը ՀԱՊԿ երկրների խորհրդարանների պալատների խոսնակների հետ հանդիպման ժամանակ հայտարարել է, որ աշխարհաքաղաքական առճակատման պատճառով ավելացել են տարածաշրջանային անվտանգության սպառնալիքները:

«Մեր հանդիպումը տեղի է ունենում միջազգային իրավիճակի աննախադեպ սրման պայմաններում։ Աշխարհաքաղաքական առճակատման ֆոնին զգալիորեն ընդլայնվել են տարածաշրջանային անվտանգության սպառնալիքների մասշտաբները։ Համաշխարհային կոնֆլիկտային ներուժը հասել է վտանգավոր մակարդակի»,-ասել է Տոկաևը։

Տոկաևը նշել է, որ լուրջ մտահոգություն է առաջացնում Մերձավոր Արևելքում տիրող իրավիճակը․ «Բազմամյա հակամարտության միակ լուծումը «երկու պետություն երկու ժողովուրդների համար» բանաձևի հիման վրա Արևելյան Երուսաղեմ մայրաքաղաքով պաղեստինյան պետության ստեղծումն է»։