Վրաստանի վարչապետը հայտնել է՝ «ինչն է կործանել Ուկրաինան»

Վրաստանի իշխանություններն ամեն ինչ անելու են, որպեսզի երկրում թույլ չտան «մայդան» ու «ուկրաինացում»։ Այս մասին հայտարարել է Վրաստանի վարչապետ Իրակլի Կոբախիձեն, գրում է ՏԱՍՍ-ը:

«Մեզ միշտ հիշեցնում են «մայդանը»։ Ես ուզում եմ հիշեցնել, թե այն ինչ բերեց Ուկրաինային: Այն ժամանակ իշխանությունը դրսից էր նշանակվել այդ երկրում։ Սակայն մենք բոլորս լավ գիտենք, թե դրանից հետո ինչ կատարվեց Ուկրաինայում։ Մինչ այդ Ուկրաինան տարածքային ամբողջականությամբ և զարգացող տնտեսությամբ երկիր էր։ Այն ժամանակ Ուկրաինայի տնտեսությունը գրեթե 200 միլիարդ դոլար էր գնահատվում։ Այսօր երկիրը ավերված է, տնտեսությունը գտնվում է ծանր, աղետալի վիճակում», - ասել է Վրաստանի ղեկավարը։

Քաղաքական գործիչն ընդգծել է, որ վրացական իշխանություններն ամեն ինչ կանեն Վրաստանում «մայդանն» ու «ուկրաինացումը» կանխելու համար։