Մբապեն Ֆրանսիայի հավաքականում գրանցած ցուցանիշով շրջանցել է Անրիին և Զիդանին
Ռուսաստան
Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն գոլային փոխանցումներով երկրորդ տեղն է զբաղեցրել ազգային հավաքականի պատմության մեջ։ Այս մասին հայտնում է Opta Sport-ը։
Աղբյուրի համաձայն՝ Ռանդալ Կոլո Մուանիին Լյուքսեմբուրգի հավաքականի հետ ընկերական խաղում (3:0) կատարած գոլային փոխանցումը Մբապեի համար 27-րդն էր «եռագույնների» կազմում։
25-ամյա ֆրանսիացին այս ցուցանիշով գերազանցել է լեգենդար Թիերի Անրիին և Զինեդին Զիդանին, որոնք կանգ են առել 26 գոլային փոխանցման վրա։
Ֆրանսիայի հավաքականի խաղերում միայն Անտուան Գրիզմանն է ավելի շատ գոլային փոխանցում կատարել՝ 30:
Ֆրանսիայի հավաքականը կմասնակցի 2024 թվականի Եվրոպայի առաջնությանը, որը կանցկացվի Գերմանիայում հունիսի 14-ից հուլիսի 14-ը։ Խմբային փուլում առաջին և երկրորդ տեղերը զբաղեցրած թիմերը, ինչպես նաև 3-րդ տեղերը զբաղեցրած չորս լավագույնները դուրս կգան 1/8 եզրափակիչ։ Մրցաշարի փլեյ-օֆֆը կանցկացվի օլիմպիական համակարգով՝ մրցաշարից պարտված թիմերի դուրսբերմամբ։
Եվրո-2024-ում ֆրանսիացիները B խմբում կխաղան Լեհաստանի, Ավստրիայի և Հոլանդիայի հետ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
