Վրաստանի նախկին վարչապետի որդին վերադարձել է ԱՄՆ-ից. ընտանիքը հերքում է, որ նա պատժամիջոցների տակ է ընկել
Գիտություն և Մշակույթ
Վրաստանի երկիցս նախկին վարչապետ Իրակլի Ղարիբաշվիլիի կինն այսօր հերքում է, որ իրենց որդի Նիկոլոզը հայտնվել է ամերիկյան վիզային պատժամիջոցների տակ և ստիպված է եղել վերադառնալ Թբիլիսի, հայտնում է NewsGeorgia-ն։
«Նիկոն գերազանցությամբ ավարտեց առաջին կուրսը և մոտ երեք շաբաթ առաջ վերադարձավ Թբիլիսի, քանի որ ամառային արձակուրդներ են սկսվել, այսքանը»,- հայտարարել է Նանուկա Թամազաշվիլին:
Նիկոլոզ Ղարիբաշվիլին 2022 թվականին ընդունվել է Փենսիլվանիայի համալսարանին կից Ուորթոնի բիզնես դպրոցը, որը համարվում է աշխարհի լավագույններից մեկը ֆինանսական կրթության ոլորտում։
Վրաստանի նախկին վարչապետի ընտանիքն ասում է, որ ուսման և թռիչքների բոլոր ծախսերը հոգացել է նրա թոշակառու պապը, որը գինեգործական ընկերություն ունի։
ԱՄՆ Պետդեպարտամենտը չի նշում վրացի 34 պաշտոնյաների անունները, որոնք իրենց ընտանիքների հետ միասին ներառվել են պատժամիջոցների ցուցակներում։ Այս ամենը կպարզվի աստիճանաբար՝ ելնելով ԱՄՆ մուտքի արգելման փաստից։
«Ոսկե երիտասարդներից» մոտ տասը տարի ԱՄՆ-ում է ապրում նաև հենց Բիձինա Իվանիշվիլիի դուստրը՝ Գվանցա-Վիվյենը։
Ամենադիտված 
Մնաս բարյավ. Րաֆֆի Հովհաննիսյան
