Այո՛, մարդը կորցրել է ինչ-որ բան, հյուրանոց է կորցրել, բայց անհնար է պետբյուջեով հյուրանոց կառուցենք, իրան տանք. Պապոյանը՝ Արցախի գործարարներին աջակցելու մասին
Տնտեսություն
«Այո, մարդը կորցրել է ինչ-որ բան, հյուրանոց է կորցրել, բայց եթե հիմա ձեր առաջարկն է պետբյուջեով հյուրանոց կառուցենք, իրանց տանք՝ անհնար է»,-ասուլիսին հայտարարեց Էկոնոմիկայի նախարար Գևորգ Պապոյանը՝ անդրադառնալով այն հարցին, թե Արցախի գործարարներին ի՞նչ աջակցություն են ցուցաբերում, որոնք կորցրել են ամեն ինչ։
Նախարարը նշեց, որ ՀՀ կառավարությունը հսկայածավալ՝ «տասնյակ միլիարդավոր դրամների» աջակցության ծրագրեր է իրականացրել արցախահայերի համար։
«Բիզնեսի աջակցության բազմաթիվ ծրագրեր ունենք։ Ցավոք, մեր պետության հնարավորությունները սուղ են, և հավասար մրցակցության և հնարավորությունների համադրության արդյունքում, թերևս, մեր առաջարկն է ԼՂ գործարարներին՝ օգտվեն առկա առաջարկներից։ Եթե կան բիզնես գաղափարներ՝ պատրաստ եմ ընդունել, քննարկել, թե ավելի կոնկրետ ինչ կարող ենք անել, և մեր գործող ծրագրերից օգտվեն»,-ասաց նա։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
