Վրաստանը բոլոր ջանքերը կգործադրի Հայաստանի և Ադրբեջանի միջև խաղաղության համար. ԱԳ նախարար

Վրաստանը բոլոր ջանքերը կգործադրի Հայաստանի և Ադրբեջանի միջև խաղաղության հասնելու համար։ Այս մասին Թբիլիսիում գտնվող իր ադրբեջանցի գործընկեր Ջեյհուն Բայրամովի հետ համատեղ ասուլիսում ասել է Վրաստանի արտգործնախարար Իլյա Դարչիաշվիլին, հաղորդում են ադրբեջանական ԶԼՄ-ները։

Նա, միաժամանակ, հայտարարել է, որ «Ադրբեջանն իրենց համար և՛ լավ բարեկամ է, և՛ շատ լավ ռազմավարական գործընկեր»։