Պետությունների միջև հարաբերությունները չեն որոշվում թերթերում ինչ-որ հոդվածներով. ՌԴ-ում ՀՀ դեսպան
Հասարակություն
Պետությունների միջև հարաբերությունները չեն որոշվում թերթերում ինչ-որ հոդվածներով։ Այս մասին ՏԱՍՍ-ին տված հարցազրույցում ասել է ՌԴ-ում ՀՀ արտակարգ և լիազոր դեսպան Վաղարշակ Հարությունյանը։
Նրա խոսքով, Հայաստանի և Ռուսաստանի առանձին շրջանների միջև ապրանքաշրջանառությունը վերջին 2 տարում աճել է 2,5 անգամ՝ ձեռք բերված պայմանավորվածությունների շնորհիվ։
ՌԴ-ում ՀՀ դեսպանը նշել է, որ, ընդհանուր առմամբ, Հայաստանն ու Ռուսաստանը դաշնային մակարդակի ավելի քան 200 համաձայնագիր ունեն տարբեր ոլորտներում, այդ թվում՝ մոտ 30-ը՝ միայն վերջին 2 տարում։
«Պետությունների միջև հարաբերությունները որոշվում են ոչ թե թերթերում ինչ-որ հոդվածներով, առանձին մարդկանց արտահայտություններով, այլ միջպետական համաձայնագրերով։ Մենք նպատակ ունենք ամրապնդելու մեր կապերը, հատկապես՝ միջտարածաշրջանային մակարդակում։ Հայաստանի օրեր ենք անցկացրել Յարոսլավլում, Սվերդլովսկում, Կրասնոդարում, Վոլգոգրադում, Իրկուտսկում, Պերմում, որտեղ մենք միջտարածաշրջանային համաձայնագրեր են ստորագրել»,- ասել է Վաղարշակ Հարությունյանը։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
