Ուրբաթօրյա աղոթքից հետո եգիպտացիները հավաքվել են ցույցի

Եգիպտոսում ավանդական ուրբաթօրյա աղոթքից հետո Կահիրեի կենտրոնական Թահրիր հրապարակում նորից հավաքվել են մարդկային զանգվածներ՝ միանալու համար ընդդիմության հայտարարած անժամկետ գործադուլին, որը պահանջում է չեղյալ հայտարարել սահմանադրական հռչակագիրը. փոխանցում է Россия-24-ը:

Շաբաթ օրը՝ դեկտեմբերի 1-ին, պլանավորվում է Մուրսիի կողմնակիցների ցույցը, բայց ոչ թե Թահրիր հրապարակում, այլ Կահիրեի համալսարանի շուրջ: Երկրում բողոքի ակցիաներն ընթանում են նոր սահմանադրութան ընդունման հողի վրա:

Երկրի հիմնական օրենքի բովանդակությունը հավանության էր արժանացել՝ առանց ընդդիմության ներկայացուցիչների մասնակցության:

Այն բանից հետո, երբ փաստաթուղթը ստորագրվի երկրի ղեկավարի կողմից, երկրում կանցկացվի սահմանադրական հանրաքվե: