Վրաստանը ողջունում է Երևանի և Բաքվի պատմական որոշումը՝ սկսելու պետական սահմանի սահմանազատման գործընթացը
Գիտություն և Մշակույթ
Վրաստանը ողջունում է Երևանի և Բաքվի «պատմական որոշումը»՝ սկսելու պետական սահմանի սահմանազատման գործընթացը, և հույս ունի, որ խաղաղ գործընթացի դրական դինամիկան կպահպանվի։ Այս մասին Թբիլիսիում հայ գործընկեր Արարատ Միրզոյանի հետ համատեղ մամուլի ասուլիսում հայտարարել է Վրաստանի արտգործնախարար Իլյա Դարչիաշվիլին, գրում է Sputnik-ը։
«Վրաստանը վճռականորեն աջակցում է Հարավային Կովկասում խաղաղության և անվտանգության հաստատմանը և պատրաստ է խթանել կառուցողական երկխոսությունը կայունությունը պահպանելու համար», - ասել է Դարչիաշվիլին։
Միրզոյանի հետ հանդիպմանը, նրա խոսքով, քննարկվել են տարածաշրջանի մարտահրավերներն ու հնարավորությունները, ընդգծվել խնդիրների լուծման ուղղությամբ համատեղ ջանքերի կարևորությունը։
Նախարարը հիշեցրել է, որ Հայաստանն ու Վրաստանը դարավոր բարեկամական և բարիդրացիական հարաբերություններ ունեն։ Նա վստահություն է հայտնել, որ Միրզոյանի այցը նոր լիցք կհաղորդի երկկողմ համագործակցությանը։
Դարչիաշվիլին նաև շնորհակալություն է հայտնել իր հայ գործընկերոջը ՄԱԿ-ի Գլխավոր ասամբլեայի «Աբխազիայից և Վրաստանից Հարավային Օսիայից Ցխինվալի շրջանից ներքին տեղահանվածների և փախստականների իրավիճակը» բանաձևին աջակցելու համար։
Վրաց նախարարն ընդգծել է, որ Երևանն ու Թբիլիսին վճռականորեն և փոխադարձաբար աջակցում են երկրների տարածքային ամբողջականությանը և ինքնիշխանությանը։
Նա նաև ընդգծել է, որ Հայաստանը Վրաստանի տասը խոշորագույն առևտրային գործընկերներից մեկն է և զբոսաշրջիկների թվով առաջատարներից է։
Ամենադիտված 
ՀՀ ՊՆ–ն հայտարարություն է տարածել
