Թրամփը հայտարարել է, որ Բայդենը կհեռանա նախագահական մրցապայքարից

ԱՄՆ գործող նախագահ Ջո Բայդենը աղետալի բանավեճից հետո կլքի նախընտրական պայքարը։ Այս մասին հայտարարել է ԱՄՆ նախկին նախագահ Դոնալդ Թրամփը, գրում է Washington Post-ը։

«Նա (Բայդենը - խմբ.) լքում է նախընտրական մրցապայքարը։ Ես նրան այնտեղից դուրս թողեցի։ Եվ դա նշանակում է, որ մենք ունենք Քամալային: Կարծում եմ, որ նա ավելի լավը կլինի (քան Բայդենը - խմբ.): Նա այնքան վատն է», - ասել է Թրամփը:

Հարցման համաձայն՝ ԱՄՆ նախագահ Ջո Բայդենին ամերիկացիների 80%-ը համարում է չափազանց ծեր պաշտոնավարելու համար։ Հարցվածների 56%-ը նման կարծիք ունի նաև Թրամփի վերաբերյալ։

Հարցվածների 47%-ն ասել է, որ կփոխեին երկու թեկնածուներին, իսկ 53%-ը դժգոհություն է հայտնել նախագահի բոլոր թեկնածուներից։

Միաժամանակ, ինքը՝ Բայդենը, խոստացել է մնալ նախագահական մրցապայքարում։