Բագրատ Սրբազանի առաջնորդած շարժումն Աբովյան կհասնի ժամը 20:00-ին
Համաշխարհային Մամուլ
Բագրատ Սրբազանի առաջնորդած շարժումը Աբովյան քաղաք կհասնի այսօր՝ ժամը 20:00-ին: Աբովյանի քաղաքապետարանի այգու մոտ՝ Հայփոստի դիմաց, կկայանա տարբեր վայրերից խմբերով շարժմանը միացած քաղաքացիների հանդիպումը:
«Այսօր, ժամը 20։00 տեղի կունենա «Հանուն ճշմարտության» խորագրով երիտասարդական հավաք՝ Բագատ Սրբազանի, Սուրեն Պետրոսյանի, երթի մասնակիցների մասնակցությամբ։ Կհանդիպենք Երևանի մուտքի տուֆե հուշարձանի հարակից տարածքում, Երևան-Սևան խճուղու հատվածում»,- Ֆեյսբուքյան իր էջում հայտնում է Սուրեն Պետրոսյանը։
Իսկ ահա «Հայկական ալիք» տեղեկատվական հարթակից էլ հայտնում են, որ Բագրատ Սրբազանի գլխավորած «Տավուշը՝ հանուն Հայրենիքի» շարժումը Աբովյան քաղաք կհասնի այսօր՝ ժամը 20:00:
«Աբովյանի քաղաքապետարանի այգու մոտ՝ Հայփոստի դիմաց, կկայանա տարբեր վայրերից խմբերով շարժմանը միացած քաղաքացիների հանդիպումը»,- նշված է էջում։
Ամենադիտված 
Ինչու են այս տարի Հանրապետության հրապարակում ամանորյա ձևավորման աշխատանքները 2 ամիս շուտ սկսվել
