Իսրայելն արձագանքում է Պաղեստինի ճանաչմանը բնակավայրերի ընդլայնումով

Իսրայելի կառավարությունը նոյեմբերի 30-ին հայտարարել է Արևմտյան ափում և Արևելյան Երուսաղեմում 3000 հրեական բնակավայրերի շինարարության նախաձեռնության մասին:

Բացի այդ, պլանավորվում է ևս 1000 հրեական տուն կառուցել բուն Պաղեստինի տարածքում և ընդլայնել Երուսաղեմին հարող տարածքներում հրեական բնակավայրերը:

Այս որոշումը յուրօրինակ պատասխան էր երեկ ՄԱԿ-ի կողմից Պաղեստինին դիտորդ պետության կարգավիճակ շնորհելու մասին կայացրած որոշմանը:

Տեղական փորձագետների կարծիքով՝ վարչապետ Նեթանյահուն ստիպված է եղել դիմել նման քայլի՝ խուսափելու համար այն խոսակցություններից, թե իր կառավարությունը դիվանագիտական պարտություն է կրել Իսրայելում խորհրդարանական ընտրությունների շեմին: Այս մասին հաղորդում է Lenta.ru-ն: