ՔՊ-ից արձագանքել են Սրբազանի «սուրճ խմելու» առաջարկին

1. Քայլերթի մեկնարկից ի վեր մինչ այս պահը որքանո՞վ է այս շարժումը նպաստել Հայաստանի անվտանգությանը և արտաքին միջավայրում մեր դիրքերի ամրապնդմանը:

2. Որքանո՞վ է նպաստել ազգային համերաշխությանն ու միասնականությանը, ատելության նվազմանը (որքան հիշում եմ, ի սկզբանե հայտարարվում էր, որ սա միասնականության և համերաշխության շարժում է):

3. Որքանո՞վ է նպաստել Հայ առաքելական սուրբ եկեղեցու հեղինակությանն ու նրա նկատմամբ վստահությանը:

UPDATE. Ամեն դեպքում, 4-րդ հարցն էլ տամ. այս շարժումն, ի վերջո, քաղաքական կարելի՞ է համարել, թե՞ գտնում եք, որ իշխանության հասցեին սուր քննադատությունը, հրաժարականի պահանջը, վարչապետին անվստահություն հայտնելու գործընթացը, ԱԺ խմբակցությունների հետ կոնսուլտացիաները, անհնազանդության ակցիաները և մեզ հետ «զրուցելու, բացատրելու» հանձնարարականը քաղաքականության հետ կապ չունեն:

Հարցերը տվել եմ առանց հեգնանքի՝ կոնկրետ ու անկեղծ պատասխաններ ստանալու ակնկալիքով: Հուսով եմ՝ շարժման համակիրները, ականջալուր լինելով շարժման առաջնորդի կոչին, պատասխանների մեջ կլինեն անկեղծ, կոռեկտության սահմաններից դուրս չեն գա և իրենց կպահեն քրիստոնյային ու պարկեշտ հայ մարդուն հարիր ձևով»: