Կահիրեում զանգվածային ցույցեր են ընթանալու՝ ի աջակցություն նախագահ Մուրսիի
Մերձավոր Արևելք
Կահիրեում այսօր զանգվածային ցույցեր են ընթանալու գործող նախագահ Մուհամմեդ Մուրսիի աջակցության համար: Ցույցերի կազմակերպիչը «Մուսուլման եղբայրներ» շարժումն ու նրանց համախոհներն են. փոխանցում է BBC-ն: Ցույցերն ընթանալու են Կահիրեի համալսարանի տարածքում: Նախագահի կողմնակիցները մտադիր մի քանի տասնյակ հազար մարդ հավաքել:
Ոչ պաշտոնական տվյալներով՝ նախագահ Մուրսին այսօր հայտարարելու է սահմանադրական հանրաքվեի մասին:
Հիշեցնենք, որ նոր Սահմանադրությունը հաստատվել էր Սահմանադրական ասամբլեայի կողմից նոյեմբերի 30-ին, ինչը զանգվածային ցույցերի էր հանգեցրել երկրում: ՄԱԿ-ի մարդու իրավունքների պաշտպանության հանձնակատար Նավի Փիլայը դիմել էր Եգիպտոսի առաջնորդին, որտեղ զգուշացրել էր նրան, որ նմանօրինակ պայմաններում սահմանադրության ընդունումը կարող է հանգեցնել երկրի պառակտմանը:
Նոր սահմանադրությունը մասնավորապես սահմանում է, որ Եգիպտոսի նախագահը կարող է 2 անգամ անընդմեջ 4 տարի ժամկետով մնալ նախագահի պաշտոնում: Երկրում ստեղծվելու է անվտանգության ազգային խորհուրդ նախագահի ղեկավարությամբ, որտեղ տեղ են գտնելու միայն կառավարամետ դեմքեր:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
