«Անառակ որդու» վերադարձը

Չնայած հնչեցված բոլոր սպառնալիքներին և ամպագորգոռ հայտարարություններին՝ Ֆրանսիայում Թուրքիայի դեսպան Թաքսին Բուրջուօղլուն հունվարի 7-ին վերադարձել է Փարիզ, որտեղ, ըստ թուրքական մամուլի, մտադիր է ամեն կերպ խոչընդոտել Սենատի կողմից Հայոց ցեղասպանության ժխտումը քրեականացնող օրինագծի ընդունմանը: Հաղորդում է 1news.az-ը՝ հղում կատարելով TRT Russian-ին:

Ինչպես ավելի վաղ տեղեկացրել էր ԼՈՒՐԵՐ.com-ը, Հայոց ցեղասպանության ժխտումը քրեականացնող օրինագիծը Ֆրանսիայի Ազգային ժողովի կողմից (խորհրդարանի ստորին պալատ) ընդունվել էր 2011թ. դեկտեմբերի 22-ին: Դրանից հետո Թուրքիան ետ էր կանչել իր դեսպանին Փարիզից եւ հայտարարել Ֆրանսիայի նկատմամբ պատժամիջոցներ կիրառելու մասին:

Թուրքիան զգուշացրել է, որ եթե օրինագիծը հաստատվի խորհրդարանի և Ֆրանսիայի նախագահ Նիկոլա Սարկոզիի կողմից, ապա ինքը կդիմի այլ միջոցների։