ԱՄՆ-ում կայացել են հանրապետական թեկնածուների դեբատները

Նախօրեին Մանչեստրի ամենամեծ քաղաքներից Նյու Հեմփշիրում կայացել է ԱՄՆ-ի նախագահի հանրապետական թեկնածուների դեբատները:

Փրայմերիզներից երեք օր առաջ ԱՄՆ-ի նախագահի հանրապետական թեկնածուների շրջանում ֆավորիտ համարվում էր Փենսիլվանիայից ընտրաված նախկին սենատոր, պահպանողական Ռիք Սանտորումը և Մասաչուսեթսի նախկին նահանգապետ Միթ Ռումնին: Վերջին օրերին Միթ Ռումնիի դիրքերն ամրապնդվել են:

Երեքշաբթի օրը Այովա նահանգում հանրապետական կուսակցության կայացած ժողովում Ռումնին հաղթանակ էր տարել և Նյու Հեմփշիրում անցկացված հարցումների արդյունքում վերջինս առաջ է անցել իր հիմնական մրցակիցներից: Իր ելույթներում Միթ Ռումնին խիստ քննադատության է ենթարկում Սպիտակ տան ներկայիս ղեկավարին` մեղադրելով նախագահ Օբամային Միացյալ նահանգները «Եվրոպական սոցիալական մոդելի պետություն» կառուցելու փորձեր անելու մեջ: 

90 րոպեանոց դեբատի ընթացքում Մասաչուսեթսի նախկին նահանգապետը պայքարում էր իր առաջնորդությունը ցույց տալու համար: Մինչ իր մրցակիցները բանավիճում էին տարբեր հարցերի շուրջ, Ռումնին իր ելույթը կենտրոնացրել է նախագահ Բարաք Օբամայի վարած քաղաքականության վրա:

«Նրա (Օբամայի) վարած քաղաքականությունը էլ ավելի խորացնում արտադրության անկումը, նրա վարած քաղաքականությունը էլ ավելի է դժվարացնում արդյուավետ կառավարման մոդելների վերականգնումը», - ասել է Ռումնին` անտեսելով վերջին պետական վիճակագրական տվյալներն, ըստ որի` ԱՄՆ գործազրկության մակարդակը զգալիորեն նվազել է:

Ռումնին, ում հաճախ շատերը հիշում են որպես նախկին գործարարի, մրցակիցները դեբատի ժամանակ ամեն կերպ փորձել են ցույց տալ, որ Ռումնին ճիշտ ընտրություն չի կատարել` նախագահի թեկնածու դառանլով: 

«Լինել պետության նախագահ, չի նշանակում լինել ընկերության գործադիր տնօրեն: Այլ պետք է լինել առաջնորդող և ոգևորող», - ասել է Ռումնիի մոտակա մրցակից Ռիք Սանտորումը: 

Սանտորումին աջակցել է ԱՄՆ Կոնգրեսի նախկին խոսնակ կոնսերվատիվ Նյուտ Գինգրիչը: Վերջինս հիշեցրել է, թե նախկինում «Bain Capital» ընկերությունը ղեկավարած Միթ Ռումնին՝ ինչպես է ընկերության բազմաթիվ աշխատողների աշխատանքից հեռացրել:  

Մասաչուսեթսի նախկին նահանգապետն անմիջապես հակադարձել է Գինգրիչին և նշել է, որ ինքը ժամանակին ստեղծել է 100 հազ. աշխատատեղ: 

«Ես շատ հպարտ եմ այն փաստով, որ իմ ղեկավարած երկու ընկերություններն էլ զարգացել են և մեծ հաջողություններ են գրանցել», - ավելացրել է Ռումնին: 

«Իմ գործարարի փորձը շատ ավելի օգտակար է եղել իմ կայացման հարցում, քան Վաշինգտոնում իմ կյանքի մեծ մասն անցկացնելը», - ասել է Ռումնին և անմիջապես վերադարձել Օբամայի քաղաքականությունը քննադատելուն: