Պուտինը Ստամբուլում քննարկելու է իրավիճակը Սիրիայում
Ռուսաստան
Ռուսաստանի նախագահ Վլադիմիր Պուտինն աշխատանքային մեկօրյա այցով դեկտեմբերի 3-ին ժամանել է Թուրքիա: Պուտինը Ստամբուլում հանդիպում է ունեցել Թուրքիայի վարչապետ Ռեջեփ Թայիփ Էրդողանի հետ, որտեղ, ի թիվս այլ հարցերի, քննարկվել է նաև Սիրիայում ստեղծված իրավիճակը, որի հետևանքով լարվել են ռուս-թուրքական հարաբերությունները. փոխանցում է BBC-ն:
Ռուսաստանը Սիրիայի գործող իշխանությունների հուսալի դաշնակիցներից է այն դեպքում, երբ Թուրքիան աջակցություն է հայտնում նախագահ Բաշար Ասադի ռեժիմի տապալմանը ձգտող ապստամբական խմբավորումներին:
Հոկտեմբերին Թուրքիան առգրավել էր Մոսկվա-Դամասկոս թռիչք իրականացնող ռուսական ինքնաթիռի բեռը, հայտարարելով, որ օդանավում զենք կա, ինչը սիրիական և ռուսական կողմը հերքել են:
Ստեղծված իրավիճակը որոշակի բարդություններ է առաջացնում կողմերի միջև ընդհանուր հայտարարի գալու հարցում:
Ռուսաստանի նախագահի օգնական Սերգեյ Ուշակովը հայտարարել էր, թե իրենք նպատակ ունեն ապացուցելու, որ ռուսական դիրքորոշումը ստեղծված իրավիճակում առավել կառուցողական է և սկզբունքային:
Սրանից զատ՝ սպասվում է, որ Ստամբուլում քննարկվելու են էներգետիկային վերաբերող հարցերը:
Անդրադարձ կկատարվի նաև ռուս-թուրքական տնտեսական հարաբերությունների հետագա զարգացմանը:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
