Ուժեղ անձրևների հետևանքով տուն է վնասվել, մարդիկ ջրալցված տանն են մնում, ոչ ոք չի արձագանքում այս փաստին․ ահազանգ (տեսանյութեր)

Ողջ գիշեր Երևանում առատ տեղած անձրևների պատճառով անօգնական վիճակում է հայտնվել Նոր Արեշ թաղամասի Դավիթ Բեկ 57 հասցեում ապրող  ընտանիքը։

Հորդառատ անձրևի պատճառով փլուզվել է տան դիմացի պարիսպը ու փողոցի պղտոր ջրերի հոսքը լցվել է Դավիթ Բեկ հասցեում գտնվող տուն: Երիտասարդ ընտանիքը՝ չորս  երեխաների հետ, փաստի առաջ է կանգնած, մարդկային ներուժի օգնության կարիք կա: Այս մասին  Լուրեր․com-ը տեղեկացավ տեղի բնակիչներից։ Փրկարար ծառայությունները ասել են, թե ոչնչով ցավոք չեն կարող օգնել և դա իրենց պարտականությունների մեջ չի մտնում, իսկ «ՎԻՈԼԼԱ  ջուրը» չի պատասխանում զանգերին։

Բնակչի խոսքով՝ տուժած ընտանիքը առավոտից զանգահարում է ԱԻՆ՝  օգնության խդրանքով, սակայն նրանց պատասխանել են, թե ի վիճակի չեն օգնել ընտանքին։

Միայն քիչ առաջ է  ԱԻՆ աշխատակիցը մոտեցել դեպքի վայր՝ բնակչի ահազանգի հետքերով, սակայն առանց տեխնիկական միջոցի, ընդամենը լուսանկարում են, որպեսզի վնասների չափը գնահատեն։

Մեզ հետ զրույցում տան տիրուհին նշեց, որ  կայծակի ուժեղ հարվածից միանգամից փլվեց պարիսպի պատը, ուստի խնդրում ենք մեր հետևորդներին օգնել ընտանիքին, որպեսզի գոնե միչև գիշերը կարողանան տունը մաքրել՝ ջրից ու քարերի մնացորդներից։

Հիմա ամբողջովին ծանր քարերով պատված է տան անկյունները, մենակով ինչքան հնարավոր է մաքրել են տունը, սակայն այդ պայմաններում անհնար է գիշերել տանը։