Էրդողանը բացատրել է՝ ինչու է դադարեցրել առևտուրն Իսրայելի հետ

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան ստիպված է եղել դադարեցնել առևտրային հարաբերություններն Իսրայելի հետ, որոնց ծավալը հասնում էր 9,5 միլիարդ դոլարի։

Թուրք նախագահն անընդունելի է անվանել Իսրայելի և Պաղեստինի միջև տեղի ունեցոց իրադարձությունները, որոնց հետևելը, ըստ նրա, դժվար է մահմեդականների համար։

«Մեզ ստիպեցին քայլեր ձեռնարկել և արեցինք այն քայլը, որը պահանջվում էր։ Մենք ունեինք 9,5 միլիարդ դոլարի ապրանքաշրջանառություն, բայց հիմա այն դադարեցրել ենք»,- ասել է Էրդողանը։

Մայիսի 2-ին Bloomberg-ը, վկայակոչելով երկու թուրք պաշտոնյաների, գրել էր, որ Անկարան դադարեցրել է բոլոր առևտրային հարաբերություններն իսրայելական կողմի հետ։