Մասնագիտական կոմնորոշումը՝ աշխատաշուկայում մրցունակության նախապայման

ՀՀ-ում այսօր շուրջ 114.000 ուսանող սովորում է բարձրագույն ուսումնական հաստատություններում, գրեթե 31.000-ը՝ միջին մասնագիտական կրթական ծրագիր իրականացնող ուսումնական հաստատություններում:Հետազոտությունները փաստում են, որ աշակերտների շրջանում մասնագիտական կողմնորոշման աշխատանքներ հիմնականում չեն իրականացվում: ՀՀ Աշխատանքի և սոցիալական հարցերի նախարարության Երիտասարդների մասնագիտական կողմնորոշման կենտրոնի ՊՈԱԿ-ի տնօրեն Հայկուհի Գևորգյանը նշում է, որ դեռահասները մասնագիտությունն ընտրում են անկախ իրենց նախասիրություններից և աշխատաշուկայի պահանջարկից, հաճախ էլ պարզապես ընդառաջելով ծնողների ցանկություններին: Ներկայումս Հայաստանում, մասնագիտական կողմնորոշման համակարգի և համապատասխան ծառայություններ մատուցող մասնագետների բացակայությամբ պայմանավորված, մի կողմից շուկայամետ մասնագիտությունների նկատմամաբ երիտասարդների հետաքրքրությունն առավելապես չի աճում, մյուս կողմից՝ անձը չի փնտրում իր անհատականությանը համապատասխան մասնագիտությունը կամ զբաղմունքը: Երեխաներն ընտրում են մասնագիտություն՝ առանց մասնագիտական խորհրդատվություն ստանալու՝ մեծամասամբ բավարարվելով ծնողների խորհրդով կամ հասարակական պահանջով»:

Բրիտանական խորհրդի «Հմտություններն աշխատանքում» ծրագրի շրջանակում ՀՀ աշխատանքի և սոցիալական հարցերի նախարարության հետ համատեղ մշակվել է «Կարիերան ավելին է, քան զուտ աշխատանք» ձեռնարկը: Ձեռնարկում ներկայացված է համակարգի տեսությունն ու Հայաստանում գործարկման հնարավորությունները, Միացյալ Թագավորության փորձն այս ոլորտում ու ծառայությունների նկարագիրը: