Երևանը իբրև փորձում է նվազեցնել կախվածությունը ռուսական գազից, մինչդեռ Ադրբեջանն ստիպված է ավելացնել նույն ռուսական գազի ներկրումը․ Վահե Դավթյան
Տնտեսություն
Էներգետիկ անվտանգության հարցերով փորձագետ, տնտեսագետ Վահե Դավթյանը Ֆեյսբուքի իր էջում գրում է․ «Մինչ պաշտոնական Երևանը փորձում է Բաքվի հետ «գազային փոխըմբռնում» ապահովել, միջազգային Fitch Solutions գործակալությունն իր վերջին զեկույցում պատմում է Ադրբեջանից բնական գազի արտահանման լուրջ խնդիրների մասին:
Մասնավորապես, նշվում է Ադրբեջանի պայմանագրային գերծանրաբեռնվածության մասին, ինչը լուրջ խնդիրներ է ստեղծելու հատկապես 2027 թ.-ից ի վեր, երբ Բաքուն ստիպված լինի ԵՄ հետ համաձայնության շրջանակներում կրկնապատկել արտահանումը «Հարավային գազային միջանցքով»՝ հասցնելով այն 20 մլրդ խմ-ի:
Հատկանշական է, որ Ադրբեջանը նաև ստիպված է 2022 թ.-ից ի վեր Ռուսաստանից բնական գազ ներկրել՝ ներքին պահանջարկը բավարարելու համար: Այսպես, 2023 թ.-ին Ադրբեջանը Ռուսաստանից ներկրել է 800,6 մլն խմ գազ՝ սեզոնային սկզբունքով: 2024 թ.-ին ներկրման ծավալը հասնելու է 1 մլրդ խմ-ի:
Ստացվում է, որ Երևանը էներգետիկ դիվերսիֆիկացման մասին ամպագոռգոռ ճառերի ներքո իբրև փորձում է նվազեցնել կախվածությունը ռուսական գազից՝ նախապատվությունը տալով Ադրբեջանին, որը, իր հերթին, ստիպված է ավելացնել նույն ռուսական գազի ներկրումը»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
