Սիրիայի նավահանգստում խարիսխ է գցել ռուսական «Ադմիրալ Կուզնեցով» ռազմանավը
Մերձավոր Արևելք
Ավիակիր կրեյսեր «Ադմիրալ Կուզնեցովի» գլխավորությամբ ռուսական նավերի խումբը հասել է սիրիական Տարտուս նավահանգիստ։ Հաղորդում է "ИТАР-ТАСС"-ը՝ հղելով ՌԴ Պաշտպանության նախարարության լրատվական ծառայությանը։
ՌԴ ՊՆ–ում մեկնաբանել են, որ նավերը «նավահանգիստ են մտել իրենց պաշարները լրացնելու նպատակով» և ավելացրել, որ դրանք հեռանալու են Տարտուսից այսօր՝ հունվարի 9-ին։
Սիրիական "SANA" գործակալության հաղորդմամբ՝ ռուսական ռազմանավերի անձնակազմի ներկայացուցիչները Տարտուսի նահանգապետ Աթեֆ Նադդաֆի հետ հանդիպմանը իրենց գործողությունները մեկնաբանել են իբրև սոլիդարության նշան՝ սիրիական իշխանությունների և ժողովրդի հանդեպ։
Հիշեցնենք, որ Տարտուսում է գտնվում միակ ռուսական ռազմաբազան նախկին ԽՍՀՄ երկրների սահմաններից դուրս, որը ՌԴ ռազմածովային նավատորմի նյութատեխնիկական սպասարկման կետ է։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
