«Բարսան» կենտրոնացած է 2-րդ տեղը զբաղեցնելու վրա․ Չավի

Չավին ասել է, որ «Բարսելոնան» ցանկանում է Լա Լիգայում երկրորդ տեղը գրավել:

Վաղը կատալոնական ակումբը կհանդիպի «Վալենսիայի» հետ։ «Բարսան» մեկ միավորով հետ է մնում երկրորդ տեղում գտնվող «Ժիրոնայից»:

«Ես չեմ կարող վերահսկել իրավիճակը, մենք կենտրոնացած ենք երկրորդ տեղը գրավելու վրա։ «Վալենսիան» բարդ մրցակից է, ագրեսիվ։ Բարախայի արածի մեջ իր մեծ արժանիքը կա: Եվ սա է մեզ անհանգստացնում, այլ ոչ թե հաջորդ մրցաշրջանի պլանները։

Ընդհանուր առմամբ, մեր խաղացողների հետ կապված գրեթե ամեն ինչ արդեն պարզ է։ Այնուամենայնիվ, եթե կլինեն խաղացողներ, որոնք շատ են օգնում մրցաշրջանի վերջին հատվածում, մենք դա հաշվի կառնենք»,-«Բարսելոնայի» գլխավոր մարզչի խոսքերն է փոխանցում Marca-ն։