Gaudeamus ուսանողական փառատոնը սկսված է

ՎիվաՍել-ՄՏՍ և «Ոսկե ծիրան» կինոփառատոնի կողմից նածաձեռնած Gaudeamus ուսանողական փառատոնը բացված է: Բացման արարոողությունը տեղի ունեցավ Երևանի թատրոնի և կինոյի պետական ինստիտուտում:Ներկա էին ՎիվաՍել –ՄՏՍ-ի գլխավոր տնօրեն Ռալֆ Յիրիկյանն ու «Ոսկե ծիրան» կինոփառատոնի գլխավոր տնօրեն Հարություն Խաչատրյանը:
«Այսօր հանդիպում է «Ոսկե ծիրանի» հետ: Ես դա համարում եմ մեծ երևույթ: Ընդամենը տասը տարի առաջ մեզ ոչինչ չեր ասում կինո բառը: Սակայն այսօր դա այդպես չէ, դա մասամբ նաև «Ոսկե ծիրանի» շնոհիվ է: Այս ամենի մեղավորը հիմնականում Հարություն Խաչատրյանն է: Մարդ մեծատառով, իսկական հայ: Հյուր է նաև ՎիվաՍել –ի տնօրեն Ռալֆ Յիրիկյանը, որը չլինի-չլինի շաբաթը մեկ հայտնվում է եթերում հերթական բարեգործության համար»,- ասում է Երևանի թատրոնի ու կինոյի պետական ինստիտուտի ռեկտոր Արմեն Մազմանյանը՝ իր բացման խոսքում:
Նա արժևորեց կինոյի դերն ու տեղը մարդկանց կյանքում, հատկապես նշելով «Ոսկե ծիրան» փառատոնի առաքելության ու որակի մասին:
«Լինելու են ֆիլմեր, մոնտաժը, հնչյունավորումը, ամբողջ դժվարինը պետք է լինի մեր հոգածության ներքո,- ասում է Հարություն Խաչատրյանը,- ֆիլմեր լինելու են միշտ»:
ՎիվաՍելլ ՄՏՍ –ի գլխավոր տնօրեն Ռալֆ Յիրիկյանն իր ողջույնի խոսքում պատգամ արեց. «Մենք կինոն դիտում ենք, որ տեսնենք, թե ինչ է ուզում մեզ ասել այդ կինոն, ինչ խորհելու առիթ է տալիս: Երբ կինո եք նկարում, պետք է մտածեք, ինչ ցույց տալ, ինչի մասին մտածելու տեղիք տալ, ինչը փոխել»:
Ողջույններից հետո ինստիտուտի ռեկտորը Հ. Խաչատրյանին շնորհեց ինստիտուտի պատվավոր պրոֆեսորի կոչում: Ռալֆ Յիրիկյանին նույպես շնորհվեց պատվավոր պրոֆեսորի կոչում: Ինչին Ռալֆը պատասխանեց այսպես. «Ճառ ասելով ու կենաց խմելով երկիր չենք կառուցի, պետք է ժամանակ չունենանք կենաց խմելու»:
Ապա կինոգետի հետաքրքիր մեկնաբանությունների ներքո սկսվեց Անդրեյ Զվյագինցեվի «Ելենա» ֆիլմը, որը Կաննի փառատոնում ստացել է մրցանակ: