Ադրբեջանի և Հայաստանի միջև սահմանի 10-12 կիլոմետրը կարելի է սահմանազատված համարել. Ալիև
Ադրբեջան
Ադրբեջանի նախագահ Իլհամ Ալիևը հայտարարել է, որ Հայաստանի հետ սահմանի սահմանազատումը գյուղերի խնդրից սկսելու առաջարկը եկել է Բաքվից: Այս մասին հայտնել են ադրբեջանական լրատվամիջոցները։
Ալիևը շեշտել է, որ այսօր Ադրբեջանի եւ Հայաստանի միջեւ սահմանի 10-12 կմ-ը կարելի է սահմանազատված համարել։
Նա, միաժամանակ, նշել է, որ երկու կողմն էլ այս հարցում կառուցողական մոտեցում են ցուցաբերել։
Ալիևն ասել է, որ Արցախից ռուս խաղաղապահների վաղաժամկետ դուրսբերման մասին որոշումը կայացվել է Բաքվի և Մոսկվայի միջև խորհրդակցությունների հիման վրա։
«Սա համատեղ որոշում էր, որը միայն ամրապնդեց ռուս-ադրբեջանական կապերը»,- կարծում է Ադրբեջանի ղեկավարը։
Նա նաև չի բացառել, որ ապագայում Հայաստանը կկարողանա ադրբեջանական գազ գնել։
«Հաշվի առնելով մերձությունը և ենթակառուցվածքները, իհարկե, նման համագործակցությունը բնական կլիներ»,- ասել է Ալիևը։
Ամենադիտված 
Քանի՞ օր երեխաները տանը կմնան Ամանորին. արձակուրդի օրերը հայտնի են
