Թուրքիայի նախագահի նստավայրը հայ Քասափյանների ընտանիքի սեփականությունն է եղել

Ինչպես հաղորդում է թուրքական Milliyet թերթը, Անկարայում գտնվող նախագահի Չանքայա նստավայրը նախկինում պատկանում էր հայ ընտանիքի: Պետությունն այն առգրավել էր Քասափյանների ընտանիքից 1919-ին: 1915թ. Հայոց ցեղասպանության տարիներին Քասափյանների ընտքանիքն Անկարայից տեղափոխվել էր Ստամբուլ:

Ավելի վաղ թուրքական թերթը հայտնում էր, որ այդ առանձնատունը Թուրքիայի հանրապետության հիմնադիր Քեմալ Աթաթուրքին նվիրաբերվել էր Անկարայի բնակիչների կողմից, ուր նա երկար տարիներ ապրել էր. նշում է Novostink.ru-ն: