Իլոն Մասկը հետաձգել է իր այցը Հնդկաստան. Reuters

Ամերիկացի միլիարդատեր, Tesla-ի գործադիր տնօրեն Իլոն Մասկը հետաձգել է ծրագրված ուղևորությունը Հնդկաստան, որտեղ նա պետք է երկուշաբթի հանդիպեր վարչապետ Նարենդրա Մոդիի հետ և հայտարարեր Հարավային Ասիայի շուկա մուտք գործելու մասին, հայտնում է Reuters-ը։

Միաժամանակ, պարբերականը նշում է, որ դեռևս հայտնի չէ, թե ինչու է Մասկը հետաձգել ուղևորությունը։ 

Ավելի վաղ հայտնի էր դարձել, որ Իլոն Մասկը այս ամիս կայցելի Հնդկաստան՝ հանդիպելու վարչապետ Նարենդրա Մոդիի հետ և խոսելու երկրում ներդրումներ կատարելու մասին։

«Անհամբեր սպասում եմ Հնդկաստանում վարչապետ Նարենդրա Մոդիի հետ հանդիպմանը»,- X-ի իր միկրոբլոգում գրել էր Մասկը։